Los gallegos esperan una media de 66 días para someterse a una operación quirúrgica en los hospitales del Sergas

La espera media quirúrgica global en la red de hospitales del Sergas es de 65,9 días a cierre del primer semestre de 2014, según ha avanzado la gerente del Servizo Galego de Saúde, Nieves Domínguez. El tiempo medio de espera en pacientes de prioridad 1, a 30 de junio de este año y según datos de la Xunta, se sitúa en 16,8 días en los centros sanitarios del Sergas. Por su parte, los pacientes con patologías de prioridad 2 esperan de media 49,6 días, lo que supone 11,9 días menos que en la misma fecha de 2013, cuando era de 61,5.

En rueda de prensa, Domínguez ha garantizado "su compromiso" de atender las enfermedades más graves, de prioridad 1, por debajo de los 30 días y las patologías graves por debajo de los 60.

Nota de prensa remitida por el Gabinete de Comunicación de la Xunta de Galicia:

O número de consultas en xornada ordinaria realizadas nos hospitais do Sergas nestes seis primeiros meses do ano foi de 2.167.330, cifra que supera en case 13.000 consultas á acadada no mesmo período do 2013. O tempo medio de espera para as primeiras consultas de enfermidade situouse, a 30 de xuño de 2014, en 39,6 días, o que supón 4,8 días menos que no mesmo período do ano anterior, cando se situaba en 44,4. Ademais, o número de pacientes que esperan por unha primeira consulta nos hospitais do Servizo Galego de Saúde diminuíu en 21.000.

Así o avanzou a xerente do Servizo Galego de Saúde, Mª Nieves Domínguez González, quen deu a coñecer os resultados de xestión de actividade e demora do Sergas a 30 de xuño acompañada do director xeral de Asistencia Sanitaria, Félix Rubial Bernárdez.

A xerente destacou que, como mellora de accesibilidade ao sistema sanitario, durante este primeiro semestre do 2014 foron incorporándose novas categorías ás consultas de atención non presencial nos centros de saúde. Actualmente están dispoñibles, ademais de para medicina de familia, para pediatría, enfermaría, matrona, odontoloxía, hixiene bucodental e traballo social. O numero total de consultas telefónicas foi nestes meses de 517.808, das que 468.461 foron cos médicos de familia.

Domínguez salientou tamén que a través da implantación das vías rápidas o Sergas segue a traballar no seu compromiso de atención a pacientes con sospeita de patoloxía grave nun tempo inferior a 15 días. Deste xeito, o tempo medio de espera das vías rápidas implantadas para pacientes con sospeita de proceso oncolóxico é de 1,5 días en melanoma; 3 días en cancro otorrinolaringolóxico; 4,9 días en cancro de mama; 6,3 días en lumbalxia; 7,4 días en artrite; 7,7 en cancro colorrectal; 7,9 en cancro de pulmón; 8,3 días en cancro de vexiga; 9,8 días en cancro de próstata; e sen esperas en demencia e cancro de cabeza e colo.

No que atinxe ás primeiras consultas de enfermidade, as que máis diminuíron o seu tempo medio de espera en 2014 con respecto do 2013 son, dixo a xerente, anestesioloxía e reanimación (59,6 días menos); neurocirurxía (36 días menos); medicina nuclear (17,5 días menos); oftalmoloxía (11,4 días menos); radioterapia (11,3 días menos); cirurxía maxilofacial (10,2 días menos); uroloxía (9,9 días menos); e dermatoloxía (9,3 días menos).

O tempo medio de espera das primeiras consultas de enfermidade, a 30 de xuño de 2014, é igual ou menor a 40 días no 84% dos servizos. As de menor espera son cirurxía torácica con 6 días; oncoloxía médica (6,7 días); medicina nuclear (6,8); obstetricia (8,6 días); cirurxía cardíaca (9 días); e radioterapia (10,2 días).

A xerente do Servizo Galego de Saúde indicou tamén que, unha vez máis, se acada o obxectivo do 75% no rendemento cirúrxico. Respecto da cirurxía levada a cabo nos centros de saúde, as intervencións pasaron de 10.893 nos seis primeiros meses de 2013 ás 13.225 no mesmo período de 2014, o que significa 2.342 máis. Domínguez observou que no primeiro semestre do ano 2009 este tipo de cirurxía supuxera un total de 6.452 intervencións, o que reflicte o seu constante crecemento.

Así mesmo, sinalou que o Servizo Galego de Saúde continúa garantindo o seu compromiso de atender as enfermidades máis graves (prioridade 1) por baixo dos 30 días e as patoloxías graves por baixo dos 60 días. Así, o tempo medio de espera en pacientes de prioridade 1, a 30 de xuño de 2014, sitúase en 16,8 días nos centros sanitarios do Sergas.

“Sanidade continúa traballando na mellora da atención en tempo e xestionando segundo criterios homoxéneos en base á gravidade do paciente e á capacidade de resolución da intervención”, asegurou Nieves Domínguez.

No tocante aos pacientes con patoloxías de prioridade 2, o tempo medio de espera sitúase en 49,6 días nos centros da rede do Servizo Galego de Saúde, o que supón 11,9 días menos que na mesma data de 2013 (cando era de 61,5 días) e seis días máis que en 2012 (cando era de 55,6 días). A espera media cirúrxica global é de 65,9 días.

Por especialidades, o tempo medio de espera cirúrxica a 30 de xuño reduciuse respecto da mesma data de 2013 en 40,6 días en cirurxía torácica (baixando de 78,2 a 37,6); en 27,4 días en cirurxía plástica e reparadora (de 78,2 a 50,8); en 18,8 días en cirurxía xeral e dixestiva (de 71 a 52,2); en 16,6 días en xinecoloxía (de 54,8 a 38,2); en 11,5 días en uroloxía (de 56 a 44,5); en 10,5 días en neurocirurxía (de 65 a 54,5); en 8,4 días en otorrinolaringoloxía (de 66,5 a 58,1); en 6,6 días en anxioloxía e cirurxía vascular (de 58,2 a 51,6); en 2,3 días en cirurxía cardíaca (de 57,5 a 55,2); e 1,9 días en oftalmoloxía (de 59,5 a 57,6). Os datos de dermatoloxía son practicamente iguais ao ter un tempo medio de espera de 32,9 días, que supón 0,6 días menos.

No que atinxe ás probas diagnósticas, obsérvanse importantes diminucións no tempo de espera medio de probas como a ecografía vascular (con 137 días menos); potenciais e respostas evocadas (98 días menos); estudo cardiolóxico (59,2 días menos); estudo otorrinolaringolóxico (38,8 días menos); ecocardiografía (37 días menos); e intervencionismo por ecografía (32,6 días menos).

As probas diagnósticas con menor tempo de espera medio a 30 de xuño deste ano son as ecografías obstétricas (con 8,1 días); a endoscopia respiratoria (con 15,2 días); a PET (con 15,6 días); e as gammagrafías (con 16,5 días).

A xerente do Sergas concluíu a súa intervención cun recoñecemento á implicación dos profesionais do sistema sanitario, aos que, unha vez máis, agradeceu a súa dedicación e traballo.