Dositeo Rodríguez aplaza la decisión sobre su dimisión en el Consello de Contas. La Xunta niega que Galicia esté sobrefinanciada

Nota de prensa remitida por el Gabinete de Comunicación de la Xunta de Galicia:

Galicia traballará conxuntamente co Land de Sajonia-Anthalt para obter fondos comunitarios dedicados a combatir a crise demográfica, que será precisamente unha prioridade do Plan Estratéxico 2015-2020. Este asunto foi abordado durante a constitución do comité asesor do referido Plan, reunión que estivo presidida polo titular da Xunta, Alberto Núñez Feijóo.

O comité asesor está conformado por 12 persoas de recoñecido prestixio no eido da empresa, a innovación, os recursos humanos, a universidade e as políticas públicas. Os membros deste organismo farán as súas achegas para definir as prioridades de actuación, e realizarán un seguimento da evolución do plan.

O conselleiro de Facenda, Valeriano Martínez, e o representante do ‘Land’ de Sajonia-Anhalt ante o Goberno Federal de Alemaña, Michael Schneider, explicaron hoxe que ambos territorios farán presión para poder dedicar á loita contra a crise demográfica unha parte dos fondos estruturais do novo período comunitario 2014-2020.

Neste sentido, o conselleiro advertiu de que a demografía é “un problema común” en moitas rexións europeas, incluído o ‘Land’ de Sajonia-Anhalt. Este é un dos 16 estados federados de Alemaña, conta cunhas características poboacionais similares ás de Galicia e experimentou nos últimos anos unha evolución económica moi positiva.

Ademais, o titular de Facenda explicou que a constitución do comité asesor permite completar a fase inicial de elaboración do Plan Estratéxico 2015-2020. De feito, a Xunta xa puxo en marcha os primeiros foros e mesas especializadas para recibir as achegas de toda a sociedade civil galega, así como unha páxina web específica (www.planestratexico.gal).

O comité contará tamén co asesoramento de representantes de compañías punteiras, tanto en Galicia como no resto de España e no estranxeiro, expertos de acreditada traxectoria académica e investigadora na Universidade, especialmente no eido económico. A configuración do comité asesor do Plan Estratéxico 2015-2020 complétase coa presenza do conselleiro de Facenda, Valeriano Martínez; e co director xeral de Planificación e Orzamentos da Xunta, Miguel Corgos.

O comité asesor está conformado por:

-ANTONIO ABRIL, secretario xeral e do consello de administración de Inditex, e presidente do Consello Social da Universidade da Coruña.

-JOSÉ LUIS VÁZQUEZ, foi director de Banca e Servizos Financeiros de Arthur Andersen, e membro independente dos consellos de Administración de Banco Pastor ou Inditex.

-ROSA GARCÍA PIÑEIRO, foi elixida en febreiro de 2014 presidenta de Alcoa España. É enxeñeira industrial e acaba de ser nomeada directora global de Sustentabilidade de Alcoa.

-FRANCISCO PUGA, presidente de Delta Vigo, compañía especializada en enxeñería e deseño para sectores como automoción, aeronáutica ou espacial.

-ROBERTO TOJEIRO, presidente e conselleiro-delegado de Gadisa. Presidente de Honor da Asociación Galega da Empresa Familiar.

-MANUEL GOMEZ-FRANQUEIRA, presidente do Grupo Coren. Asumiu a dirección xeral do grupo en 1984 e dende 2011 ocupa a presidencia do grupo.

-ÁNGEL PRADO, enxeñeiro especialista en seguridade informática, é responsable de seguridade da compañía TIC Salesforce.

-JOSÉ MARÍA ARIAS, presidente da Fundación Barrié de la Maza e do Consello Social da Universidade de Santiago. Presidente de APD-Zona Noroeste.

-ANTÓN COSTAS, catedrático de Economía Aplicada da Universidad de Barcelona e presidente do Círculo de Economía.

-SANTIAGO LAGO, catedrático de Economía Aplicada da Universidade de Vigo e director de Governance and Economics Research Network (GEN). É director do Foro Económico de Galicia.

-LUIS CARAMÉS, catedrático de Facenda Pública da Universidade de Santiago de Compostela.

-MICHAEL SCHNEIDER, representante do ‘Land’ de Sajonia-Anhalt ante o Goberno Federal de Alemaña.

Fotografía: Gabinete de Comunicación de la Xunta de Galicia