Skip to main content
A | B | C | D | E | F | G | I | L | M | N | O | P | Q | R | S | T | V | X | Z

Notas

  • O 15% dos adolescentes presenta síntomas graves ou moderadamente graves de depresión
    USC e UNICEF España realizaron un estudo sobre o impacto da tecnoloxía na adolescencia, que aplicou escalas validadas internacionalmente para o estudo do benestar emocional e o risco de depresión. Cunha mostra de máis de 40.000 adolescentes entre os 11 e os 18 anos, a investigación constatou que o 15% de adolescentes presenta síntomas graves ou moderadamente graves de depresión. Ademais, a taxa de ideación suicida sitúase no 10,8%, o que evidencia a necesidade de definir políticas públicas que actúen neste eido.
  • As entidades locais galegas 'aproban' en rendición de contas
    O Observatorio Municipal Galego, iniciativa da Rede Localis, fixo público un novo documento de análise da situación económica-financeira dos municipios galegos. Nel, a entidade xestionada polo grupo de investigación Governance and Economics Research Network (Gen) da Universidade de Vigo, destaca que as entidades locais galegas “aproban” en rendición de contas.
  • A Feira de Emprendedoras fomenta a creación de empresas lideradas por mulleres no eido cultural
    'A igualdade formal pode parecer conseguida pero a real é unha tarefa que está por conseguir'. Así se pronunciou o reitor da USC no acto inaugural da Feira de Emprendedoras que reúne no Teatro Principal a 'entidades con liderados feministas, creadas moitas delas por mulleres referentes, imprescindibles para a consolidación dun tecido empresarial de gran valor engadido', coas futuras xeracións de emprendedoras.
  • O Festival de Cine Internacional de Ourense presenta o palmarés da 27ª edición
    Os galardóns da Sección Oficial entregaranse este venres 30 no Auditorio Municipal nunha gala na que se darán a coñecer o Premio Xacobeo e o Premio do Público; e os premios de OUFF en Curto e Fas Muvis terán o seu acto de entrega o sábado 1 de outubro no Teatro Principal. O xurado da Sección Oficial de Longametraxes está composto por Alfonso Zarauza, Marta Villar, Belén Macías, Frank Spano e David Bonneville.
  • A ciencia volverá saír o encontro da cidadanía na segunda edición da G-Night
    Máis de 6000 persoas participaron o pasado ano nas actividades da primeira edición da Noite Galega das Persoas Investigadoras (G-Night), organizadas e desenvolvidas por preto de medio millar de investigadoras e investigadores, así como por persoal técnico, e coordinadas pola UVigo, que lidera un consorcio formado por unha decena de socios, entre os que se atopan as universidades de Santiago de Compostela e A Coruña e organismos de investigación.
  • Videocreación, fotografía, teatro e danza centran as propostas formativas dos Espazos Cultura da USC en Lugo
    A área de Cultura da USC no Campus de Lugo mantén aberta a inscrición para os obradoiros, cursos e demais propostas promovidas ao longo do primeiro cuadrimestre do curso 2022-23 ao abeiro dos Espazos Cultura (Fotografía, Cine, Danza e Teatro) da USC no Campus de Lugo, cuxas sesións formativas botarán a andar a partir do venres 30 de setembro. As persoas interesadas poden consultar xa en liña a información detallada.
  • Ponte… nas Ondas! fará o camiño coa Radio do Patrimonio
    A Asociación Cultural e Pedagóxica Ponte... nas Ondas! presenta catro programas en catro cidades polas que pasa o Camiño de Santiago para recolleitar o patrimonio inmaterial que tamén se xerou ós albores das rutas xacobeas. Serán Cea, Tui, Sarria e Santiago as que acollerán os obradoiros de A Radio do Patrimonio, nos que colaborarán varios centros educativos sendo o propio alumnado o que exerza de xornalistas.
  • A sexta edición doGFFF rende homenaxe a Braindead, de Peter Jackson, e contará coa presenza da súa protagonista
    Este venres comeza a sexta edición do GFFF, un festival de cinema diferente e gamberro, cheo de sentido de humor e cunha sección oficial pensada para deixarnos 'co cú torcido'. O festival inaugúrase coa proxección de The Hunchback of Notre Dame, filme mudo de 1982 musicado en directo e para a ocasión por Caspervek Orquestra, con 11 músicos en escena.
  • 35 propostas diversas dunha ducia de países, incluídas tres estreas, no festival Maré, Músicas e Artes atlánticaS
    Maré, Músicas e artes atlánticas volve este 2022 coa súa terceira edición en Santiago de Compostela. Do 21 ao 25 de setembro o outrora Cantos na maré celebrarase en nove localizacións da capital galega coma o Teatro Principal, o Auditorio de Galicia, a Sala Capitol, a Praza da Quintana, Mazarelos e outros emprazamentos do patrimonio monumental, clubes e o parque de San Domingos de Bonaval.
  • O filme francés 'L'enfant salamandre' leva o primeiro premio á mellor curtametraxe no XV FIC Bueu
    A curtametraxe francesa ‘L’enfant salamandre’ de Théo Degen foi escollida como a peza gañadora da Sección Oficial na 15ª edición do Festival Internacional de Cinema de Bueu, levándose o Primeiro Premio e unha cuantía económica de 2.000 euros. O concelleiro de Cultura de Bueu, Xosé Leal, foi o encargado de entregar o galardón logo do anuncio feito por Luis E. Parés en representación do Xurado Oficial.