Notas
-
O titular da Xunta reuniuse coas tres asociacións de redeiras que participaron no proxecto ‘Enredadas’. Gaba a actividade desenvolvida para dar a coñecer o traballo deste colectivo a través da elaboración de produtos de artesanía co material empregado nesta profesión. Resalta o esforzo e a perseveranza para manter viva unha profesión senlleira do noso mar, que proba que a muller mariñeira é parte integrante e relevante da industria pesqueira. -
En Marea comeza este 2018 coa súa axenda ateigada de actos políticos, incluído un debate sobre a renda básica universal, a extensión das xornadas por un territorio vivo para todo o país e unha xornada sobre as propostas económicas de En Marea para que, a maiores de saír da recesión, se poda dicir que tamén se sae dos anos de crise. -
A organización por parte de Expourense de dúas Feiras de Antigüidades será unha novidade no calendario feiral da Fundación para este ano 2018. Estas citas celebraranse no mes de maio e no de novembro e contan co apoio dos empresarios do sector en Ourense tal e como o ratifica o convenio asinado entre Expourense e os anticuarios José Antonio Ferreiro Ferrares e Gerardo Manuel Román Iglesias. -
A organización xuvenil do BNG celebrou unha rolda de prensa para anunciar que neste ano 2018 se cumprirán 30 anos da celebración da súa I Asemblea Nacional, que tivo lugar os días 23 e 24 de xullo do 1988. O BNG conmemorará esta efeméride ao longo de todo o 2018 e percorrendo todo o país. -
A Xunta recorda aos cidadáns a necesidade de extremar as precaucións, seguir as medidas de protección pertinentes e consultar a súa web www.112galicia.org. A Dirección Xeral de Emerxencias e Interior da Vicepresidencia da Xunta de Galicia alerta dun temporal de nivel laranxa que afectará desde o mércores 3 de xaneiro ao litoral das provincias da Coruña e Lugo. -
O grupo parlamentario considera que a candidatura da Ribeira Sacra a Patrimonio da Humanidade é “unha oportunidade histórica” e precisa un plan de desenvolvemento socioeconómico integral da zona, unha estratexia de conservación e divulgación do Patrimonio, orzamento e prazos de acción. -
Ata o domingo 7 de xaneiro haberá actividades en 13 concellos: Cambados, Gondomar, Ames, Neda, Fene, Viana do Bolo, Muros, Abegondo, Muxía, Viveiro, O Carballiño, Sarria e Neda acollen as últimas actividades da sexta edición do programa que percorre 41 concellos da Rede de Dinamización Lingüística. -
O xornalista vilalbés Xulio Xiz recibiu a Medalla de Ouro de Vilalba nun acto celebrado no auditorio Carmen Estévez da capital chairega. O alcalde da vila lucense, Agustín Baamonde, fíxolle entrega desta distinción polos anos de apoio incondicional á actividade cultural e social. O xornalista fixo do seu discurso de agradecemento unha "declaración de amor" á súa Vilalba natal. -
A voceira nacionalista Ana Pontón cualifica de “tomadura de pelo” que Rajoy veña a inaugurar unha ponte que “pagarán todos os galegos e galegas a través de peaxes abusivas” e pide que se cancele o acto de inauguración.Pontón cualificou esta suba de “agravio a Galiza” e o BNG, recalcou, defenderá unha autoestrada “pública”. -
O período medio de pago en Galicia baixou en outubro aos 6,1 días. Galicia é a quinta comunidade que mellor paga as súas facturas. A Xunta logrou reducir a débeda comercial un 43% no último ano.
