Skip to main content
A | B | C | D | E | F | G | I | L | M | N | O | P | Q | R | S | T | V | X | Z

Noticias

  • Galicia baixa dos 2.000 casos activos por coronavirus por primeira vez desde o 2 de xullo
    A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.926 deles 505 son da área da Coruña, 356 da de Lugo, 223 da de Ourense, 139 da de Pontevedra, 372 da área de Vigo, 272 da de Santiago e 59 da de Ferrol. Do total de pacientes positivos, 24 están en UCI, 63 en unidades de hospitalización e 1.839 no domicilio. Polo de agora, en Galicia hai un total de 177.315 persoas curadas, rexistrándose 2.621 falecementos. O número de PCR realizadas é de 2.812.565. O número de doses de vacina contra a covid-19 administradas é de 4.331.002.
  • Galicia rexistra un total de 1.160 casos activos por coronavirus
    A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.160 deles 260 son da área da Coruña, 217 da de Lugo, 190 da de Ourense, 85 da de Pontevedra, 241 da área de Vigo, 139 da de Santiago e 28 da de Ferrol. Do total de pacientes positivos, 16 están en UCI, 42 en unidades de hospitalización e 1.102 no domicilio. Polo de agora, en Galicia hai un total de 178.410 persoas curadas, rexistrándose 2.634 falecementos. O número de PCR realizadas é de 2.830.034. O número de doses de vacina contra a covid-19 administradas é de 4.363.846.
  • As persoas supercontaxiadoras, 'a forza motriz da pandemia' con independencia das variantes do virus da COVID-19
    'Un supercontaxiador tería un efecto comparable co de prender lume a un monte seco usando substancias acelerantes como a gasolina'. Así definen os profesores da USC Antonio Salas e Federico Martinón como as variantes do SARS-CoV-2 necesitan da acción de eventos de supercontaxio para lograr éxito epidemiolóxico, pois son estes, en gran medida, a verdadeira 'gasolina' coa que 'o incendio está garantido'. O triunfo dunha variante depende en gran medida 'desta forza motriz' porque, segundo explican, 'un só evento de supercontaxio pode causar un dano rexional terrible ao facer medrar os contaxios de maneira exponencial, iniciando en moi pouco tempo gromos repentinos que son difíciles de controlar ao perderse a posibilidade de trazar as transmisións'.
  • A Rede Localis destaca que os concellos galegos “aínda teñen marxe para elevar o uso da súa capacidade fiscal” A Rede Localis destaca que os concellos galegos aínda teñen marxe para elevar o uso da súa capacidade fiscal”
    O Observatorio Municipal Galego, iniciativa da Rede Localis, fixo público este venres un novo documento de análise da situación económica-financeira dos municipios galegos. Nel, a rede xestionada polo grupo de investigación Governance and Economics Research Network (Gen) da Universidade de Vigo destaca que os concellos galegos “aínda teñen marxe para elevar o uso da súa capacidade fiscal”. Segundo indican en nota de prensa desde a entidade, o documento, que corresponde á nota número 17 do observatorio, céntrase nesta ocasión no estudo do uso da capacidade fiscal propia dos concellos galegos.
  • A evolución da pandemia permite aumentar os aforos en Galicia
    O conselleiro de Sanidade, Julio García Comesaña, informou esta mañá da decisión do comité clínico de ampliar os aforos nos distintos espazos e ámbitos da vida cotiá. O anuncio prodúcese logo de que o comité de expertos avaliase a evolución epidemiolóxica dos concellos galegos nas últimas datas. Así, o titular de Sanidade apunto que “ a incidencia acumulada segue a baixar dun xeito rápido”, mais remarcou a necesidade de seguir a cumprir as medidas hixiénico-sanitarias establecidas.
  • Comeza a aplicación de palla coa técnica do mulching nas zonas máis afectadas polos lumes de Ribas de Sil para protexer o solo e evitar arrastres
    Comezaron os traballos de aplicación de palla (mulching) nas zonas máis afectadas polos incendios rexistrados en Ribas de Sil. Estes labores lévanse a cabo nas áreas máis danadas, onde se combina unha severidade do lume alta na vexetación e no solo. O mulching permite crear unha cuberta protectora do solo empregando materiais como a palla de cereais (trigo, cebada, centeo...) e aplícase cun helicóptero -helimulching- nas zonas de máis pendente e de forma manual -mulching- nas áreas accesibles a pé.
  • Galicia rexistra un total de 2.071 casos activos por coronavirus
    A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.071 deles 536 son da área da Coruña, 418 da de Lugo, 243 da de Ourense, 140 da de Pontevedra, 372 da área de Vigo, 301 da de Santiago e 61 da de Ferrol. Do total de pacientes positivos, 25 están en UCI, 68 en unidades de hospitalización e 1.978 no domicilio. Polo de agora, en Galicia hai un total de 177.125 persoas curadas, rexistrándose 2.618 falecementos. O número de PCR realizadas é de 2.810.703.
  • Galicia aspira a xestionar preto de 28 millóns de euros de fondos europeos extraordinarios para a reactivación do turismo
    A Xunta presentou seis actuacións de cohesión ás convocatorias de fondos europeos extraordinarios do Plan Turístico Nacional Xacobeo 2021-2022 e o Plan Extraordinario de Sustentabilidade Turística en Destinos, coas que aspira a xestionar 27,75 millóns de euros. As tres actuacións presentadas á primeira convocatoria extraordinaria de Plans de Sustentabilidade Turística en Destinos, o Plan do Litoral, coas que a Xunta aspira a obter 14,6 millóns de euros dos fondos Next Generation, apostan por rehabilitar e mellorar a eficiencia dos portos e impulsar e promocionar a ruta dos faros, a senda litoral, as actividades náutico-deportivas, revitalizar o litoral galego, que afecta a 1.700 quilómetros de costa, concienciando sobre o seu valor natural e patrimonial así como por rehabilitar recursos e espazos singulares da costa galega e incentivando proxectos tractores.
  • A 17ª edición do Festival Maré converte Compostela en crisol de xéneros musicais e culturas
    Este festival será lugar de encontro de artistas, músicos, poetas e escritores de ambas as dúas beiras do Atlántico que conflúen en Santiago para celebrar a súa diversidade e creatividade cultural. Máis de 30 propostas musicais e artísticas, oito delas aínda inéditas aquí e dúas que serán unha estrea mundial, procedentes dunha decena de países e comunidades autónomas que comparten vínculos con Galicia. Así, ademais dunha ampla representación galega, o cartel inclúe artistas de Catalunya, Portugal, Colombia, Brasil, Mozambique, Cabo Verde, Güiana, Arxentina, Malí, Inglaterra, Sáhara Occidental ou Paraguai que farán que Compostela fale catalán, inglés, mambara, guaraní ou chopi timbilia, entre outros.
  • A mostra ‘Percorrer o tempo’ transforma contedores de barco en salas de proxección para amosar a mirada de destacados artistas visuais sobre o Camiño
    Percorrer o tempo. Visións contemporáneas do Camiño inclúe unha escolma de fotografía e vídeo e sitúase na zona portuaria, onde permanecerá ata o mes de novembro. Na iniciativa participan artistas de Galicia, como Carla Andrade, Luis Díaz Díaz, Iván Nespereira, Bandia Ribeira e Lúa Ribeira, xunto a profesionais de fóra que representan os diferentes Camiños e enlaces con outras rutas históricas. Así, figuran tamén a inglesa Olivia Arthur, presidenta da Axencia Magnum; o portugués André Cepeda, o francés Michel Le Belhomme, a alacantina Cristina de Middel, que foi Premio Nacional de Fotografía, e o xienense Miguel Ángel Tornero. O docente e artista visual Nicolás Combarro é o comisario da mostra.